Internetda hali e’lon qilinmagan Nokia 1 smartfoni deb taxmin etilayotgan qurilmaning ilk suratlari paydo bo‘ldi, deb yozadi Hi-Tech Mail.Ru. Mish-mishlarga ko‘ra, u HMD lineykasidagi 95 dollar / 80 yevro narxli eng arzon smartfonga aylanishi va mart oyida chiqarilishi kerak.
Gap-so‘zlarga qaraganda, smartfon Nokia 2 ga o‘xshash bo‘ladi va 720p IPS-ekran, 1 Gb tezkor va 8 Gb doimiy xotira, metall rom va polikarbonat korpus, Snapdragon 212 chipsetiga ega bo‘ladi. U Android operatsion tizimining kam quvvatli qurilmalar uchun optimallashtirilgan yengil versiyasi — Android Go’da ishlaydi.
Suratlarda orqa panelda yorug‘lik diodli vspishka yonida joylashgan kamera datchigini ko‘rish mumkin. Agar foto haqiqiy bo‘lsa, smartfon fevraldagi MWC’da namoyish etilishi mumkin.
Izoh (0)