Islomobod AQSh terrorchilikka qarshi kurash uchun Pokistonga moliyaviy yordam ajratishdan voz kechishi bilan bog‘liq vaziyatni jiddiy o‘rganadi. Bu haqda mamlakat mudofaa vaziri Xurram Dastgir Xon ma’lum qildi, deb xabar beradi “RIA Novosti”.
“Vaziyatni batafsil o‘rganishimiz zarur. Yuzaga kelgan holatni sinchiklab tahlil qilyapmiz va sovuqqonlik bilan javobimizni ishlab chiqyapmiz”, — dedi Xurram Dastgir Xon.
Vazirga ko‘ra, gap “AQSh Pokistonga zarar yetkazadigan vaziyatni yaratishi yoki yo‘qligi haqida ketmoqda. Islomobod bunga tayyor, biroq Vashington bilan hamkorlik qilishni istaydi”.
Izoh (0)