Barak Obamaning sobiq rasmiy fotografi Pit Souza Instagram’dagi sahifasida Amerika prezidentining yadroviy jomadonining suratini e’lon qildi. Bu haqda “RIA Novosti” xabar bermoqda.
Souza suratlarni AQShning hozirgi prezidenti Donald Tramp KXDR yetakchisi Kim Chen In bilan g‘oyibona bahsga kirishib, o‘zining “yadro tugmachasi” raqibinikidan kuchliroq ekanligini ta’kidlaganidan so‘ng e’lon qildi.
https://www.instagram.com/p/BdeRaVpFXwo/?taken-by=petesouza
Arxiv suratlaridan birida Oq uy xodimi ichida AQSh mudofaasining strategik tizimini boshqarishning mobil nuqtasi bo‘lgan sumkani samolyotga ko‘tarib chiqayotgani aks etgan.
https://www.instagram.com/p/BdeSrTOleqI/?taken-by=petesouza
Ikkinchi suratda esa o‘sha “qizil tugma”ning AQSh prezidenti stoli ustiga o‘rnatilganini ko‘rish mumkin. Prezident gerbi tushirilgan panelda “Qiyin qarorlarni qabul qilish doimo og‘ir” deb yozilgan taxtacha turibdi.
“Yaxshiki, qizil tugmacha bu yerda urushni boshlash uchun emas, balki yordamchini chaqirish uchun qo‘llaniladi”, — deb yozadi Souza.
Avvalroq, britaniyalik milliarder Richard Brenson Obama qizil tugmachani Oq uy mehmonlari uchun choy buyurtma qilish maqsadida foydalanganini ma’lum qilgan edi.
Odatda yadroviy qurolga ega mamlakatlar prezidentlariga qit’alararo raketa uchirish imkonini beruvchi tizimlar “yadro tugmachasi” deb nomlanadi. Aslida esa tizim raketa uchirish uchun kod va jihozlardan iborat yadroviy jomadondan iborat. Bu mobil tizim mamlakat rahbari statsionar qo‘mondonlik punktlari tashqarisida bo‘lgan paytda foydalanishga mo‘ljallangan.
Izoh (0)