2017-yilning mart oyida uch yil-u bir oyga qamalgan toshkentlik tadbirkor Olim Sulaymonov 5-dekabr kuni ozodlikka chiqdi, deb xabar beradi “365info.kz”.
Olim Sulaymonov 2016-yilda o‘sha paytda Prezident vazifasini bajarayotgan Shavkat Mirziyoyevga videomurojaat yo‘llab, jinoiy daromadlarni qonuniylashtirish hamda valyuta va soliqqa oid jinoyatlar bilan kurashish bo‘yicha department xodimining harakatlaridan shikoyat qilgan edi.
Sulaymonovning ta’kidlashicha, departament xodimi undan 30 ming dollar miqdorida pora talab qilgan. Tadbirkor departament xodimining shartini bajara olmagani tufayli 2016-yilning bahorida Sulaymonovga tegishli “Do‘rmon biznes qurilish” va Optima kompaniyalarining bankdagi hisoblari muzlatib qo‘yilgan.
Birozdan so‘ng tadbirkor tuhmat, firibgarlik va yolg‘on ko‘rsatma berishda ayblanib, jinoiy javobgarlikka tortilgan.
Olim Sulaymonov apellyatsiya sudiga arz qildi va haqligini isbotlashga muvaffaq bo‘ldi. Tadbirkor qamoqqa olinganidan so‘ng to‘qqiz oy o‘tib, butunlay oqlandi.
“Men apellyatsiya sudida haqligimni isbotladim. Amnistiya bilan ozod etilmadim, balki sud hukmi bilan to‘liq oqlandim. Adolat qaror topishida O‘zbekiston Prezidenti Shavkat Mirziyoyevning katta hissasi bor”, — deydi Olim Sulaymonov.
Izoh (0)