Sobiq Yugoslaviya bo‘yicha xalqaro tribunal serbiyalik general Ratko Mladichni genotsid, insoniyatga qarshi va harbiy jinoyatlar uchun umrbod qamoq jazosiga hukm qildi. Bu haqda, Ruptly ma’lumotiga tayanib, Meduza xabar bermoqda.
Mladichning advokatlari uning sog‘lig‘i yaxshi emasligini aytib, boshqa jazo tayinlashni so‘ragan edi, ammo sud hukmni o‘zgartirishdan bosh tortdi.
Mladich 11 band bo‘yicha ayblandi. Bular qatorida 1992 va 1996-yillardagi Sarayevo qamali hamda 1995-yili Srebrenitsada 8 ming musulmonning qatl qilinishi bor edi. Ayblov Mladichni umrbod qamoq jazosiga hukm etishni so‘ragan edi — xalqaro tribunal tayinlashi mumkin bo‘lgan maksimal jazo shu.
Sudda Mladich bir necha bor aybini inkor qildi. Hukm o‘qilishi chog‘ida sud Mladichning ahvoli yomonlashgani uchun majlisni to‘xtatishdan bosh tortdi. Shundan so‘ng general baland ovozda e’tiroz bildira boshladi va buning natijasida zaldan olib chiqib ketildi. Unga jarayonni televizor orqali kuzatish imkonini berishdi.
Izoh (0)