Rossiya Oliy sudi muxolifatchi Aleksey Navalniyning biznesmen Alisher Usmonovni sha’ni va qadr-qimmatini himoya qilish to‘g‘risidagi qaroriga qarshi ilgari surgan kassatsion shikoyatini ko‘rib chiqishdan bosh tortdi, deb xabar berdi “Interfaks”.
“Shikoyatni sud majlisida ko‘rib chiqish talabi rad etildi”, — deya ma’lum qiladi sud.
31-may kuni Moskvaning Lyublin sudi Usmonovning Navalniy va Korrupsiyaga qarshi kurashish jamg‘armasiga (KQKJ) nisbatan da’vosini to‘liq qondirdi hamda ularga Usmonovni sharmanda qilishga qaratilgan ma’lumotlarni olib tashlash majburiyatini qo‘ydi. Shuningdek, ular sud qarori qabul qilinganidan keyin 10 kun ichida raddiya e’lon qilishlari, raddiya muxolifatchi va KQKJning saytlariga uch oy ichida joylashtirilishi kerak.
Keyinroq, Moskva shahar sudi tuman sudining qaroriga o‘zgartirish kiritdi va Navalniy hamda KQKJga to‘liq videorolikni emas, balki ushbu tergov-filmning parchalarini o‘chirish majburiyatini qo‘ydi. Birinchi instantsiya sudi qarorining qolgan qismiga o‘zgartirish kiritilmagan.
Izoh (0)