Avstraliyaning Sidney janubi-g‘arbida joylashgan Grinakre shahrida boshlang‘ich maktab binosiga avtomobil bostirib kirdi. Bu haqda “RBK” xabar bermoqda.
Hodisa mahalliy vaqt bilan 9:45 da Banksia Road ko‘chasidagi maktabda ro‘y berdi. Yo‘ltanlamas to‘g‘ri sinfga qarab kirib ketdi, bu payt xonada o‘qituvchi va 24 nafar o‘quvchi bor edi.
Ulardan 21 nafari jabrlandi, 5 kishi jiddiy jarohat oldi. Ularning barchasi kasalxonaga yotqizildi va shu yerda 8 yoshli ikki o‘g‘il bola olamdan o‘tdi.
Maktab binosiga bostirib borgan Toyota Kluger 52 yoshli ayol tomonidan boshqarilgani aniqlandi. U mashinadan bolani tushirayotganda mazkur holat ro‘y bergani taxmin qilinmoqda. Ayolning o‘zi jabrlanmadi va alkogolga tekshirish uchun kasalxonaga yetkazildi.
Izoh (0)