Австралиянинг Сидней жануби-ғарбида жойлашган Гринакре шаҳрида бошланғич мактаб биносига автомобиль бостириб кирди. Бу ҳақда «РБК» хабар бермоқда.
Ҳодиса маҳаллий вақт билан 9:45 да Banksia Road кўчасидаги мактабда рўй берди. Йўлтанламас тўғри синфга қараб кириб кетди, бу пайт хонада ўқитувчи ва 24 нафар ўқувчи бор эди.
Улардан 21 нафари жабрланди, 5 киши жиддий жароҳат олди. Уларнинг барчаси касалхонага ётқизилди ва шу ерда 8 ёшли икки ўғил бола оламдан ўтди.
Мактаб биносига бостириб борган Toyota Kluger 52 ёшли аёл томонидан бошқарилгани аниқланди. У машинадан болани тушираётганда мазкур ҳолат рўй бергани тахмин қилинмоқда. Аёлнинг ўзи жабрланмади ва алкоголга текшириш учун касалхонага етказилди.
Изоҳ (0)