Suriyadagi kimyoviy hujumlarni tadqiq qilish bo‘yicha missiya ma’ruzasi aynan Asadning tuzumi tinch aholi vakillariga qarshi kimyoviy moddalarni qo‘llaganini isbotladi. Shuning uchun ham Moskvaning Vashingtonda Asadni himoya qilishga urinishi “yo‘l qo‘yib bo‘lmaydigan” deya baholanmoqda, deb yozadi “RBK”.
Oq uyning bayonoti BMT hamkorlik missiyasi va Suriyada kimyoviy qurollarni qo‘llashni taqiqlovchi tashkilotning 26-oktabr kuni e’lon qilingan ma’ruzasiga bag‘ishlangan.
“Missiya ekspertlari Asad tuzumi 2017-yilning 4-aprelida Xon-Sheyxunda zarin yordamida hujum uyushtirib, 100 dan ortiq kishining o‘limiga sabab bo‘lgan. Ularning orasida ayollar va yosh bolalar ham bo‘lgan. Bu esa Asad tuzumi kimyoviy quroldan foydalanganligini tasdiqlovchi to‘rtinchi holat”, — deyiladi ma’ruza xulosasida.
Shu munosabat bilan AQSh barcha mamlakatlarni tadqiqotlarni davom ettirish uchun komissiya mandatini uzaytirishga chorlamoqda.
“Mustaqil tadqiqotchilarning ishini qo‘llab-quvvatlamaydigan mamlakatlar xalqaro darajadagi xulqning barcha standartlarini buzadi”, — deyiladi Oq uy bayonotida.
Izoh (0)