Суриядаги кимёвий ҳужумларни тадқиқ қилиш бўйича миссия маърузаси айнан Асаднинг тузуми тинч аҳоли вакилларига қарши кимёвий моддаларни қўллаганини исботлади. Шунинг учун ҳам Москванинг Вашингтонда Асадни ҳимоя қилишга уриниши «йўл қўйиб бўлмайдиган» дея баҳоланмоқда, деб ёзади «РБК».
Оқ уйнинг баёноти БМТ ҳамкорлик миссияси ва Сурияда кимёвий қуролларни қўллашни тақиқловчи ташкилотнинг 26 октябрь куни эълон қилинган маърузасига бағишланган.
«Миссия экспертлари Асад тузуми 2017 йилнинг 4 апрелида Хон-Шейхунда зарин ёрдамида ҳужум уюштириб, 100 дан ортиқ кишининг ўлимига сабаб бўлган. Уларнинг орасида аёллар ва ёш болалар ҳам бўлган. Бу эса Асад тузуми кимёвий қуролдан фойдаланганлигини тасдиқловчи тўртинчи ҳолат», — дейилади маъруза хулосасида.
Шу муносабат билан АҚШ барча мамлакатларни тадқиқотларни давом эттириш учун комиссия мандатини узайтиришга чорламоқда.
«Мустақил тадқиқотчиларнинг ишини қўллаб-қувватламайдиган мамлакатлар халқаро даражадаги хулқнинг барча стандартларини бузади», — дейилади Оқ уй баёнотида.
Изоҳ (0)