АҚШнинг Нью-Йорк шаҳридаги терактни содир этганликда гумонланаётган ўзбекистонлик Сайфулло Соипов билан 2010 йилда бирга яшаган оила юз берган ҳодисадан ҳайратда эканлигини билдирган, деб хабар беради «РИА Новости».
Сайфулло Соипов 2010 йилда Огайо штати Цинциннати шаҳридаги танишларининг уйида икки ҳафта яшаган.
«У жудаям босиқ эди. Тинимсиз ишларди. Турли кечалар ёки бошқа жойларга бормасди. У уйга келиб дам олар ва яна ишга қайтиб борарди», — дейди Соипов уларнинг уйларида яшаган пайтда ўспирин бўлган Дилноза Абдусаматова.
2011 йилда Соипов мазкур манзилда бизнесини рўйхатдан ўтказган. Шу билан бирга хонадон соҳиблари бизнес ҳақида ҳеч қандай маълумотга эга эмаслигини ва бу ҳолатдан ҳайратга тушганини билдирган.
Оила аъзоларининг сўзларига кўра, Соипов кўчиб кетганидан бери у билан гаплашмаган.
Гумонланувчи яшаган уйнинг қарама-қаршисида яшайдиган аёл эса уни суратлардан таниб, Соипов одамови бўлганини айтган.
Изоҳ (0)