Qirg‘iziston prezidenti devonidagi manbalar ma’lum qilishicha, yangi saylangan prezident Sooronbay Jeenbekovning inauguratsiyasi 24-oktabr kuni “Ala-Archa” davlat rezidensiyasida bo‘lib o‘tadi. Marosimning bo‘lib o‘tish sanasi va joyini Jeenbekov shtatidagilar tasdiqladi, deb xabar berdi Knews.
Bunga qadar inauguratsiyalar Satilganov nomidagi Qirg‘iziston Milliy filarmoniyasida o‘tkazilgan. Faqatgina bir marotaba Jo‘qorg‘i Kenges joylashgan Oq uyda bo‘lib o‘tgan.
Belgilangan qoidalarga ko‘ra, saylangan prezident davlat boshlig‘ining vakolatlarini adolatli amalga oshirish uchun konstitutsiyaga qo‘l qo‘ygan holda qasamyod qilishi kerak.
Inauguratsiya jarayonida Sooronbay Jeenbekovga o‘z vazifasiga kirishishi oldidan Markaziy saylov komissiyasi tomonidan prezident sifatida saylangani to‘g‘risida guvohnoma, ko‘krak nishoni va uning ism-sharifi, shuningdek, vakolat muddati tushirilgan prezidentning shtandarti taqdim etiladi.
Izoh (0)