AQShning Yuta shtatida yashovchi hamshira Aleks Vabbls mahalliy politsiyachilar ishtirokida ro‘y bergan holat uchun tovon puli sifatida 500 ming dollarga ega bo‘ldi. Bu haqda TJournal xabar bermoqda.
Shifoxona xodimasi politsiyachilarni bemorning qonidan namuna olishga qo‘ymadi. Shundan so‘ng huquq-tartibot organlari xodimlari hamshirani hibsga oldi.
Mazkur holat 2017-yilning 26-iyulida kuzatilgan edi. Erkak bemor palatada xushsiz yotgan edi, uch nafar politsiyachi uning qonidan tahlil uchun namuna olmoqchi bo‘ldi. Hamshira esa qonun bo‘yicha bemorning qonini tahlil qilish uchun uning yozma roziligi kerak bo‘lishini aytib, ularga ruxsat bermadi.
Bir necha marta rad etishlardan so‘ng politsiyachilar hamshiraga qo‘pollik qilib, uning qo‘lini qayirdi va hibsga oldi.
Hamshiraga nisbatan ayblov e’lon qilinmagan, biroq u avtomobilda 20 daqiqa ushlab turilgan. Hamshirani hibsga olish jarayoni aks etgan video YouTube’ga joylashtirilgan, shundan so‘ng politsiya holat bo‘yicha surishtiruv o‘tkazgan.
Ayolga qo‘pollik qilgan politsiyachilardan biri ishdan bo‘shatilgan, ikki nafari esa ishdan chetlatilgan.
Vabbls esa tovon pulidan tashqari o‘z vazifasini sidqidildan bajargani uchun mukofot puli ham oldi. Avtohalokatda kuyish jarohatini olgan bemor erkak esa sentabr oyining oxirida vafot etdi.
Izoh (0)