Qozog‘iston prezidenti Nursulton Nazarboyev Iordaniya qiroli Abdulla II bin al-Husaynga yadro quroliga qarshi kurashdagi o‘rni uchun mukofot topshirdi. Bu haqda “Kazinform” xabar bermoqda.
“Biz yadro quroliga qarshi kurashda jonbozlik ko‘rsatganlar uchun ta’sis etgan maxsus mukofot birinchi bo‘lib sizga taqdim etilmoqda. Bu xizmatlaringiz e’tirofi va Suriya, Iroqdagi urush sharoitida tinchlikparvarlik vazifasini o‘tashda davom etishingizdan umid. Ostona muzokaralarida ham mamlakatingiz katta rol o‘ynamoqda. Sizga bu mukofotni topshirish men uchun katta sharaf”, — dedi Nazarboyev.
O‘z navbatida, Iordaniya yetakchisi Qozog‘iston prezidenti va xalqiga mamlakati nomidan chuqur minnatdorlik bildirdi.
Ma’lumot uchun, Iordaniya qiroli Abdulla II ayni paytda Qozog‘istonda rasmiy tashrif bilan bo‘lib turibdi.
Izoh (0)