Koreya yarim orolida qurolli mojarolar boshlangudek bo‘lsa, urushning dastlabki kunlaridayoq yuz minglab odam halok bo‘ladi. Bu haqda AQSh Kongressining tadqiqot xizmatiga tayanib, Bloomberg xabar berdi.
Ta’kidlanishicha, yadroviy qurol qo‘llanilmasdan, oddiy qurollar ishlatilganida ham dastlabki kunlardagi qurbonlar soni 30 mingdan 300 minggacha bo‘lishi mumkin. Tadqiqotchilar Shimoliy Koreya artilleriyasining daqiqasiga 10 mingtagacha snaryad ota olishini inobatga olib bu kabi xulosaga keldi. Shuningdek, qayd etilishicha, urush chegaraning ikki tarafida yashovchi 25 million aholiga bevosita ta’sir ko‘rsatadi.
Bundan tashqari AQSh Kongressi mojaroga Xitoy, Yaponiya, Rossiya, shuningdek, AQSh ham jalb etilishi mumkinligini ma’lum qildi.
Hisobotda ko‘rsatilishicha, Vashingtonning Xitoy bilan harbiy to‘qnashuv yoqasiga kelib qolish xavfi mavjud. Hujjatda Pekinning ehtimoliy reaksiyasi “yarim oroldagi qurolli mojaro oqibatida yuzaga keladigan eng muhim geosiyosiy masaladir”, deyiladi.
Izoh (0)