Reuters agentligi AQShda inson organlari savdosi bo‘yicha qora bozorni tekshirish uchun odam organlarini sotib oldi, deb yozadi TJournal. Ikkita bosh ming dollarga, umurtqa suyagi esa 350 dollarga tushdi, ularni “elektron pochta orqali qisqa yozishmadan so‘ng” qo‘lga kiritishga muvaffaq bo‘lishdi.
O‘z tekshiruvi doirasida jurnalistlar asosan tijorat tashkilotlari niqobi ostida ishlaydigan 34 nafar organ savdogarlarini topdi. Agentlik hisob-kitoblariga ko‘ra, 2011-yildan 2015-yilgacha savdogarlar butun mamlakat bo‘ylab kamida 50 mingta jasad yoki 182 mingta organ sotgan. Butun bir jasadning narxi 3—5 ming dollar atrofida, alohida qismlar bir necha yuz dollar turadi.
Asosan, jasad va organlar bilan tadqiqotlar o‘tkaziladi yoki universitetlarda jarrohlarni o‘qitish uchun foydalaniladi. Dafn byurosi egasi aytishicha, ko‘pchilik qarindoshlar marhumlarning tanasini o‘z ixtiyori bilan tadqiqot yoki jarrohlarni tayyorlash uchun berib yuboradi. Buning evaziga dafn byurolari organlar savdogarlaridan 300 dan 1,4 ming dollargacha oladi.
Reuters jurnalistlari o‘zlari sotib olgan organlarni Minnesota universitetiga berib yubordi.
Izoh (0)