Las-Vegasda odamlarni ommaviy ravishda o‘qqa tutgan Stiven Peddokning akasi Bryus Peddok bolalar pornografiyasini saqlashda ayblanib, hibsga olindi, deb yozadi “Gazeta.ru”.
TMZ nashrining manbalari bergan ma’lumotga ko‘ra, Bryus Peddokka nisbatan tekshiruv ukasi uyushtirgan otishmadan oldin boshlangan. Ammo huquq-tartibot organlari gumonlanuvchining yashash joyini haligacha ham aniqlamagan edi.
Peddokni Los-Anjelesdagi qariyalar va nogironlar uyida qo‘lga olishgan. Uning kompyuteridan bolalar ishtirokidagi pornografik xususiyatga ega materiallar topilgan.
Nevadalik pensioner Stiven Peddok 2-oktabr kuni Las-Vegasdagi kantri-festival mehmonlariga qarata o‘t ochdi. 59 kishi halok bo‘ldi; bu AQSh tarixidagi eng yirik ommaviy qotillikdir. O‘ziga to‘q va kantri musiqa ixlosmandi bo‘lgan Peddokning yonidan 23 ta qurol va ko‘p miqdorda patronlar topilgan. Hujum uchun javobgarlikni IShID terrorchilik tashkiloti o‘z zimmasiga oldi, biroq Federal tergov byurosi (FTB) Peddokning diniy aqidaparastlar bilan aloqadorligiga ishonmayapti.
Izoh (0)