Reuters агентлиги АҚШда инсон органлари савдоси бўйича қора бозорни текшириш учун одам органларини сотиб олди, деб ёзади TJournal. Иккита бош минг долларга, умуртқа суяги эса 350 долларга тушди, уларни «электрон почта орқали қисқа ёзишмадан сўнг» қўлга киритишга муваффақ бўлишди.
Ўз текшируви доирасида журналистлар асосан тижорат ташкилотлари ниқоби остида ишлайдиган 34 нафар орган савдогарларини топди. Агентлик ҳисоб-китобларига кўра, 2011 йилдан 2015 йилгача савдогарлар бутун мамлакат бўйлаб камида 50 мингта жасад ёки 182 мингта орган сотган. Бутун бир жасаднинг нархи 3—5 минг доллар атрофида, алоҳида қисмлар бир неча юз доллар туради.
Асосан, жасад ва органлар билан тадқиқотлар ўтказилади ёки университетларда жарроҳларни ўқитиш учун фойдаланилади. Дафн бюроси эгаси айтишича, кўпчилик қариндошлар марҳумларнинг танасини ўз ихтиёри билан тадқиқот ёки жарроҳларни тайёрлаш учун бериб юборади. Бунинг эвазига дафн бюролари органлар савдогарларидан 300 дан 1,4 минг долларгача олади.
Reuters журналистлари ўзлари сотиб олган органларни Миннесота университетига бериб юборди.
Изоҳ (0)