Yaponiya bosh vaziri Sindzo Abe Shimoliy Koreyaga nisbatan qat’iy va keskin siyosat yuritishini ma’lum qildi. Bu haqda “Interfaks” xabar bermoqda.
“Saylovlarda va’da berganimdek, Shimoliy Koreyaga nisbatan keskin yondashuvni ta’minlash birinchi galdagi vazifam bo‘ladi. Bu qat’iy diplomatiyani talab qiladi”, — dedi bosh vazir.
22-oktabr, yakshanba kuni bo‘lib o‘tgan Yaponiya parlamentining quyi palatasiga saylovlarda Abe boshchiligidagi Liberal-demokratik partiya va “Komeyto” partiyasidan iborat hukmron koalitsiya jami o‘rinlarning uchdan ikki qismini qo‘lga kiritdi.
Quyi palatada 465 o‘rin bo‘lib, LDPga 281, “Komeyto” partiyasiga 29 ta deputatlik mandati nasib etdi.
Izoh (0)