AQSh harbiy-havo kuchlari 1991-yildan buyon birinchi marta o‘z B-52 yardoviy bombardimonchilarini jangovar shaylikka keltirmoqda. Bu haqda AQSh HHK generali Devid Golfeyn Defence One’ga ma’lum qildi.
Uning ta’kidlashicha, bombardimonchilarni 24 soatlik jangovar shaylikka keltirish haqida rasmiy buyruq kelib tushganicha yo‘q, ammo bu yo‘nalishda tayyorgarlik allaqachon boshlangan.
General “yadro qurolini qo‘llash haqida ochiqdan-ochiq aytadigan odamlar yashaydigan dunyoda hushyor bo‘lib, voqealar rivojining turli variantlariga tayyor turishning yangi usullarini o‘ylab topish muhimligi”ni aytdi.
Golfeyn yadro potensiali AQSh bilan to‘qnash kelishi mumkin bo‘lgan mamlakatlarni aniq qilib aytmadi, ammo maqolada “Shimoliy Koreyaning tezkorlik bilan rivojlanayotgan yadro arsenali”, shuningdek, “tobora qudratliroq bo‘lib borayotgan Rossiya qurolli kuchlari” tilga olingan.
Izoh (0)