AQShda qonun chiqaruvchilar Obama davridagi, Rossiya bilan bog‘liq oldi-sotdi bitimini tekshiradi

AQSh Kongressi Vakillar palatasining nazorat va hukumat islohoti qo‘mitasi AQShda uran qazib olish bilan shug‘ullanuvchi kompaniyaning Rossiya bilan bog‘liq tuzilmalarga sotilishi bo‘yicha oldi-sotdi bitimi yuzasidan tekshiruv boshladi, deb yozadi “TASS”.

Qo‘mita a’zosi bo‘lmish Ron Desantis so‘zlariga ko‘ra, “FQBga korrupsion sxemani aniqlashda yordam bergan allaqanday maxfiy informator” bilan gaplashib olgan. Tekshiruv ushbu shaxs bergan ko‘rsatmalarga daxldor bo‘ladi, dedi u. Kongressmen shu munosabat bilan jinoyat ishi qo‘zg‘atilishi mumkinligini istisno qilmadi.

Fox News telekanali aniqlik kiritishicha, oldi-sotdi bitimi bir necha yil avval Rossiyaning “Rosatom” davlat korporatsiyasi nazorati ostiga o‘tgan Uranium One kompaniyasiga aloqador bo‘lgan. Tilga olingan tranzaksiya o‘sha vaqtda prezident lavozimida ishlagan Barak Obama va davlat kotibi bo‘lgan Hillari Klinton tomonidan ma’qullangan.