19-sentabr kuni Meksikada sodir bo‘lgan zilzila vaqtida Frida laqabli labrador zotli it 52 kishini qutqardi. Meksika Harbiy-dengiz kuchlarida xizmat qiluvchi kuchuk odamlarni vayronalar ostidan qidirib topgan va ularni chiqarib olgan, deb xabar berdi Meduza.
10-oktabr kuni Mexikoda Fridaning bino devoriga tushirilgan ulkan tasviri paydo bo‘lgan. It o‘zining harbiy anjomlarida — himoya ko‘zoynagi va jiletda tasvirlangan.
“Bunday og‘ir vaqtlarda u — kuch va umid ramzi. Men buni zilziladan juda katta jabr chekkan va o‘zim juda yaxshi ko‘radigan Roma Norte dahasiga oldingi ijobiy kayfiyatni qaytarish uchun chizdim”, — deydi meksikalik Uneg — graffiti-rassomi bilan birga it tasvirini yaratgan ijodkor Selesta Bayers.
Oktabr oyining boshida Fridaga Meksika hamda Trinidad va Tobago futbol bo‘yicha terma jamoalari uchrashuvida minnatdorchilik bildirilgan edi. Harbiylar Fridani va zilzila vaqtida jabrlanganlarni qutqargan yana bir itni stadion maydoniga olib chiqishgan.
Eslatib o‘tamiz, 19-sentabr kuni Meksikada 7,1 magnitudali zilzila sodir bo‘lishi oqibatida kamida 360 kishi halok bo‘lgan edi.
Izoh (0)