MasterCard kompaniyasi xususiy mijozlarning xalqaro tranzaksiyalari tahlilini o‘tkazdi va 2016-yilda dunyoning sayyohlar orasida eng ommalashgan shaharlarini aniqladi. Bu haqda “RIA Novosti” xabar bermoqda.
Kompaniya ekspertlari jahonning 132 yirik shahri bo‘yicha ma’lumotlarni o‘rgandi va o‘tgan yili sayyohlar soni jihatidan Bangkok yetakchi bo‘lgani haqidagi xulosaga keldi. 2016-yilda Tailand poytaxtida 19,41 million kishi to‘xtab o‘tgan.
Ikkinchi o‘rinda 19,04 million xorijlik bilan London, uchinchi o‘rinda esa 15,45 million mehmonni qabul qilib olgan Parij qayd etildi.
Sayyohlar orasida eng mashhur shaharlar o‘nligiga, shuningdek, Dubay, Singapur, Nyu-York, Seul, Kuala-Lumpur, Tokio va Istanbul ham kirdi.
Izoh (0)