Buyuk Britaniya chegaralarida Brexit’dan keyingi bojxona tekshiruvining yangi qoidalari yuklar yetkazib berishda to‘xtalishlarga olib kelishi va yiliga kamida 1 milliard dollar zarar keltirishi mumkin. Yevropaning Oxera tadqiqot markazi hisoboti shundan dalolat bermoqda, deb ma’lum qiladi “RIA Novosti”.
Markaz transport departamenti rahbari Endryu Miney Brexit’dan keyingi bojxona nazoratining bir necha ssenariysini taklif etmoqda. Ulardan biri “Savdoning susayishi: tartibga solishning past, nazoratning yuqori darajasi” deb nomlanadi.
“Nazorat portlar yoki turli nazorat punktlarida amalga oshiriladi. Biroq tekshiruvlarga jalb etilgan xodimlar soni sezilarli darajada ko‘payadi, yuklarni tekshirish vaqti esa ko‘payadi. Hisob-kitoblarimizga ko‘ra, bu ssenariy kamida yiliga 1 milliard dollarga tushadi”, — deydi tadqiqotchi.
Mineyga ko‘ra, bu hisob-kitoblarni “kamtarona” deyish mumkin, chunki unga ko‘p xarajatlar, jumladan, yangi nazorat punktlarini qurish va yangi xodimlarning maoshlari kiritilmagan.
Izoh (0)