Буюк Британия чегараларида Brexit’дан кейинги божхона текширувининг янги қоидалари юклар етказиб беришда тўхталишларга олиб келиши ва йилига камида 1 миллиард доллар зарар келтириши мумкин. Европанинг Oxera тадқиқот маркази ҳисоботи шундан далолат бермоқда, деб маълум қилади «РИА Новости».
Марказ транспорт департаменти раҳбари Эндрю Миней Brexit’дан кейинги божхона назоратининг бир неча сценарийсини таклиф этмоқда. Улардан бири «Савдонинг сусайиши: тартибга солишнинг паст, назоратнинг юқори даражаси» деб номланади.
«Назорат портлар ёки турли назорат пунктларида амалга оширилади. Бироқ текширувларга жалб этилган ходимлар сони сезиларли даражада кўпаяди, юкларни текшириш вақти эса кўпаяди. Ҳисоб-китобларимизга кўра, бу сценарий камида йилига 1 миллиард долларга тушади», — дейди тадқиқотчи.
Минейга кўра, бу ҳисоб-китобларни «камтарона» дейиш мумкин, чунки унга кўп харажатлар, жумладан, янги назорат пунктларини қуриш ва янги ходимларнинг маошлари киритилмаган.
Изоҳ (0)