Avstraliyadagi Sidney shahrining bir qator tumanlarida o‘tkazilgan aksilterror operatsiyasi davomida to‘rt kishi hibsga olindi. Bu haqda “Kommersant” xabar bermoqda.
“Yangi Janubiy Uels politsiyasining aksilterror bo‘linmasi xodimlari ko‘plab tintuvlar davomida bir necha shaxslarni qo‘lga oldi”, — deya politsiya axborotidan iqtibos keltirmoqda Agence France-Presse.
Qayd etishlaricha, aksilterror operatsiyasi ham, tergov-surishtiruv ishlari ham davom etmoqda.
Mahalliy OAVning yozishicha, Sidney markazida shubhali uskuna aniqlanganidan so‘ng, 40 ga yaqin maxsus xizmat xodimlari hodisa joyiga yuborilgan.
Izoh (0)