Ҳиндистоннинг «келажак шаҳарлари» атроф-муҳит учун хавф туғдириши мумкин. Бу ҳақда Линкольн университети (Буюк Британия) профессори Хью Бёрд маълум қилди, дея хабар беради «ТАСС».
Олим Ҳиндистондаги «ақлли шаҳарлар» лойиҳасини батафсил таҳсил қилди. Мамлакат ҳукумати томонидан қабул қилинган режага кўра, 3-5 қаватли бинолардан иборат эски даҳалар ўрнида 40-60 қаватли осмонўпарлар қурилади.
Янги туманлар ҳозирги харобаларга нисбатан экологик жиҳатдан яхшироқ бўлиши тахмин қилинади, бироқ Бёрднинг изланишлари аҳоли зичлиги ўсиши атроф-муҳитга босимни кучайтиришини кўрсатди: осмонўпарлар кўпроқ ресурслар истеъмол қилади ва кўпроқ чиқиндилар чиқаради.
Бундай прогноз Мумбайда қурилган шундай турдаги биринчи ҳудуд — Бхенди Бозорни (Bhendi Bazaar) ўрганиш асосида қилинди. Маълум бўлишича, электр мунтазам равишда ўчириладиган, сув соатларга тақсимланган ҳолда бериладиган, чиқиндилар чиқарилиши ва канализация тармоғи фаолияти талаб этилган даражада бўлмаган ҳудудда аҳоли зичлиги ошиши фақат экологик вазиятни чуқурлаштиради.
Маълумот учун, «100 ақлли шаҳар» режаси Ҳиндистон бош вазири Нарендра Моди томонидан 2015 йилда қабул қилинган бўлиб, мамлакатдаги 100 шаҳарни ривожлантириш ва 500 шаҳарни янгилашни назарда тутади.
Изоҳ (0)