Sudya Joau Pedru Jebran Netu bank hisob raqamlari va boshqa mol-mulki hatlanishidan shikoyat qilgan Braziliya sobiq prezidenti Lulu da Silvaning apellyatsiyasini qondirishdan bosh tortdi. Bu haqda Globo manbalariga tayanib, “TASS” xabar berdi.
Sudyaga ko‘ra, mol-mulkning hatlanishi “sodir etilgan jinoyatlar natijasida davlatga yetkazilgan zarar qoplanishini kafolatlashi lozim”.
12-iyulda sud Lulu da Silvani korrupsiyada va mablag‘lardan noqonuniy foydalanishda ayblab, 9 yil va 6 oy qamoq jazosiga hukm qildi. Sobiq prezidentga 19 yil davomida davlat lavozimlarini egallash man etildi.
Lulu da Silvaning hisob raqamlaridagi 606 ming real (192 ming dollar), ikki xususiy pensiya fondiga ajratmalar hisobiga olishi kerak bo‘lgan 9 million real (3,9 million dollar), 3 kvartira, yer uchastkasi, ikki avtomobil hatlandi.
Siyosatchi mol-mulkidan foydalanishi mumkin, biroq ikkinchi instansiya sudi qaroriga qadar sotish yoki hadya qilish huquqiga ega emas.
Izoh (0)