AQShda 63 yoshli ravvin (yahudiylar ruhoniysi) Alan Xoffman bungacha o‘ziga notanish bo‘lgan 62 yoshli ayol uchun buyrak donoriga aylanishga qaror qildi, deb yozadi Forum Daily.
Xoffman buyragini kimgadir hadya qilishni so‘nggi bir necha yillar davomida rejalashtirib kelganini tan oldi. Xoffmanning buyragini ikki farzandning onasi, buyraklarda o‘smalar paydo bo‘lishiga olib keluvchi bedavo irsiy xastalik — buyraklarning polikistoz kasalligidan azob chekuvchi 62 yoshli Berta Ilzarova qo‘lga kiritadi.
Ilzarova xastaligi tufayli ishlamaydi va so‘nggi bir yil davomida donor kutib, dializ protsedurasidan o‘tmoqda.
Operatsiya oldidan Ilzarova bilan birinchi marta uchrashgach, Xoffman yaxshi kayfiyatda edi, u ehtiyojmand kishiga yordam berish imkoniyati tug‘ilganidan mamnunligini bildirdi.
Izoh (0)