Судья Жоау Педру Жебран Нету банк ҳисоб рақамлари ва бошқа мол-мулки ҳатланишидан шикоят қилган Бразилия собиқ президенти Лулу да Силванинг апелляциясини қондиришдан бош тортди. Бу ҳақда Globo манбаларига таяниб, «ТАСС» хабар берди.
Судьяга кўра, мол-мулкнинг ҳатланиши «содир этилган жиноятлар натижасида давлатга етказилган зарар қопланишини кафолатлаши лозим».
12 июлда суд Лулу да Силвани коррупцияда ва маблағлардан ноқонуний фойдаланишда айблаб, 9 йил ва 6 ой қамоқ жазосига ҳукм қилди. Собиқ президентга 19 йил давомида давлат лавозимларини эгаллаш ман этилди.
Лулу да Силванинг ҳисоб рақамларидаги 606 минг реал (192 минг доллар), икки хусусий пенсия фондига ажратмалар ҳисобига олиши керак бўлган 9 миллион реал (3,9 миллион доллар), 3 квартира, ер участкаси, икки автомобиль ҳатланди.
Сиёсатчи мол-мулкидан фойдаланиши мумкин, бироқ иккинчи инстанция суди қарорига қадар сотиш ёки ҳадя қилиш ҳуқуқига эга эмас.
Изоҳ (0)