Egey dengizidagi kuchli zilzila tufayli Gretsiyada 100 dan ortiq kishi jabrlandi. Bu haqda “RIA Novosti” xabar bermoqda.
Jabrlanganlarning aksari Kos orolidan ekanligi bildirilmoqda. Orol rasmiylari vakili Giorgos Xalkidiosga ko‘ra, ulardan ikki-uch nafari og‘ir yaralangan va hozirda operatsiya qilinmoqda.
Shuningdek, Kosdagi qator mo‘rt binolar qulab tushdi, parom qatnovi to‘xtatildi. Ofat oqibatlarini bartaraf etish uchun qutqaruv xizmatlaridan tashqari armiya ham safarbar etilgan.
6,7 magnitudali zilzila epimarkazi Egey dengizida, Kos orolidan 16,2 kilometr va Turkiyaning Bodrum shahridan 10,3 kilometr uzoqlikda joylashgandi. Bodrumda 70 ga yaqin kishi tibbiy yordam uchun murojaat qildi.
Izoh (0)