Rossiya AQShdagi prezidentlik saylovlariga 8 yildan oshiq vaqt davomida aralashib kelgan. Bu haqda Markaziy razvedka boshqarmasi (MRB) direktori Maykl Pompeo Aspen shahridagi xavfsizlik bo‘yicha anjumanda ma’lum qildi, deya xabar beradi “TASS”.
Rossiya 2016-yilgi prezidentlik saylovlariga aralashgan yoki yo‘qligi haqidagi savolga javoban Pompeo “Mendan buni million marotaba so‘rashdi. Ha, albatta. O‘tgan yilgi saylovlarga ham, undan oldingisi ham. Ular bu bilan anchadan beri shug‘ullanib keladi. Bunga chek qo‘yish niyati ham bo‘lmasa kerak”, deya javob berdi.
MRB direktoriga ko‘ra, Rossiya 2016-yildagi prezidentlik saylovlariga ta’sir o‘tkazish uchun WikiLeaks va uning asoschisi Julian Assanj bilan hamkorlik qilgan.
Ma’lumot uchun, AQShda prezidentlik saylovlari 4 yilda bir o‘tkaziladi.
Izoh (0)