Эгей денгизидаги кучли зилзила туфайли Грецияда 100 дан ортиқ киши жабрланди. Бу ҳақда «РИА Новости» хабар бермоқда.
Жабрланганларнинг аксари Кос оролидан эканлиги билдирилмоқда. Орол расмийлари вакили Гиоргос Халкидиосга кўра, улардан икки-уч нафари оғир яраланган ва ҳозирда операция қилинмоқда.
Шунингдек, Косдаги қатор мўрт бинолар қулаб тушди, паром қатнови тўхтатилди. Офат оқибатларини бартараф этиш учун қутқарув хизматларидан ташқари армия ҳам сафарбар этилган.
6,7 магнитудали зилзила эпимаркази Эгей денгизида, Кос оролидан 16,2 километр ва Туркиянинг Бодрум шаҳридан 10,3 километр узоқликда жойлашганди. Бодрумда 70 га яқин киши тиббий ёрдам учун мурожаат қилди.
Изоҳ (0)