Saudiya Arabistonidagi muhandis Muhammad Hamid Sayyid o‘zi ixtiro qilgan soyaboniga patent oldi. Bu haqda “Muslimaat.uz” xabar bermoqda.
Mazkur soyabon maxsus haj yoki umra amallarini ado etuvchi hojilarga mo‘ljallangan bo‘lib, “Makka soyaboni” deb nomlanadi.
Soyabonning asosiy afzalligi shundaki, unda maxsus konditsioner o‘rnatilgan va u oddiy yoki quyosh nuri batareyalari yordamida ishlaydi. Bundan tashqari, unga suv purkagich ham o‘rnatish mumkin.
Ixtirochining qayd etishicha, u avval soyabonga faqat ventilyator o‘rnatmoqchi bo‘lgan. Lekin keyinchalik haj mavsumidagi haroratni hisobga olib, aylanuvchi parraklar hojilarning holatini sezilarli darajada o‘zgartirmaydi, degan xulosaga keldi.
Izoh (0)