Es-hushini yo‘qotgan qirollar

Avvallari qirollar mamlakatning birinchi darajali shaxsi sifatida qabul qilingan, biroq barcha qirollarning ham aql-hushi joyida bo‘lgan emas. “Fotoshedevri” shu kabi telba qirollar haqida ma’lumot to‘plab taqdim etdi.

Georg III

Odatda regentlar taxtni egallashga yoshlik qiladigan bolalar uchun tayinlanadi, biroq Georg III’ga o‘z o‘g‘li regentlik qilgan. Mavjud ma’lumotlarga ko‘ra, Buyuk Britaniya parlamentining Amerika hududiga egalik qilish uchun zo‘riqish bilan kechgan majlisda farzandining boshini urib yorishga harakat qilgan.

Ta’kidlanishicha, monarxning ko‘zlari o‘sha vaqtda qonga to‘lgan, og‘zidan esa ko‘pik kelgan. Unga porfiriya bilan birgalikda ruhiyatning buzilishi tashxisi qo‘yilgan. Uning “jinniligi” bir necha oy, ko‘rish qobiliyatini yo‘qotguniga qadar davom etgan. 1811-yilda uni yaroqsiz deya topilgan va regent vazifasini esa uning katta o‘g‘li Georg egallagan.

Sin Shixuandi

Sin imperiyasiga asos solgan ushbu imperator paranoid fikrlardan aziyat chekkan. U doim o‘zini nimadir taqib qilayotganidan qo‘rqqan. Hatto u mamlakat bo‘ylab sayrga chiqqanida ham yuzlab aravalardan iborat kortej hamrohligida yurgan biror joyda bir kechadan ortiq qolmagan. Sin Shixuandi “yoshlik eliksirini” qidirib topish uchun ko‘plab ekspeditsiyalar tashkillashtirgan, biroq shu kabi ekspeditsiyalarning birida jiddiy kasallika chalinib olamdan o‘tgan.

Ibrohim I

Usmoniylar imperiyasining “Telba” laqabli sultoni Ibrohim I o‘zining oʻta beboshligi, isrofgarligi, bilimsizligi va berahmligi bilan nom qozongan. U o‘z o‘g‘lini o‘ldirib yuborishiga bir baxya qolgan. Tarixchilarning ta’kidlashicha, u g‘azabga minganida xotin va xizmatkorlarini ommaviy ravishda qatl uyushtirgan. U mamlakatni 8 yil boshqargan, biroq o‘zining o‘ylamasdan qilgan qilmishlari bilan saroyda to‘ntarishga sabab bo‘lgan.

Genrix VI Lankaster

Lankasterlar sulolasining so‘nggi vakili deya hisoblanuvchi Genrix VI Angliya va Fransiya qiroli unvoniga ega bo‘lgan yagona qirol bo‘lgan. Umuman olganda u bu unvonga tug‘ilmasidan oldinroq ega bo‘lgan. Biroq qirol 16 yoshga kirganida ham uni jiddiy qabul qilishni istashmagan, chunki u o‘zini ishonchsiz tutgan. Uning telbaligi “Yuz yillik urush”dan so‘ng, Angliya mag‘lubiyatga uchragach ko‘zga tashlana boshlagan. Zamonamiz olimlari u shizofreniya bilan og‘rigan deya hisoblaydi.

Karl VI

Karl VI 12 yoshida, otasi o‘lganidan so‘ng 1380-yilda hokimiyat tepasiga kelgan. 23 yoshida isitma bilan og‘rigan qirolda telbalik alomatlari paydo bo‘la boshlagan. U aqlini yo‘qotganida hech kimni tanimay qolgan. Ma’lumotlarga ko‘ra uni hatto xavfsizlik uchun qal’aga qamab ham qo‘yishgan.