Yupiter orbitasida joylashgan Juno kosmik apparati Yupiterning katta qizil dog‘ining ancha sifatli suratini Yerga yubordi, deb xabar berdi “MK.ru”.
Katta qizil dog‘ bundan uch yarim asr oldin kashf qilingan bo‘lib, u Quyosh sitemasidagi eng katta atmosfera o‘rami hisoblanadi va 1879-yilan beri o‘rganilib kelinadi. Ushbu ulkan bo‘ronning uzunligi 24 mingdan 40 ming kilometrgacha, eni esa 12 mingdan 14 ming kilometrgacha keladi.
Uning ichida shamolning tezligi 500 kilometr/soatdan ortadi. Uzoq vaqtga qadar astronomlar uni qattiq jism deb o‘ylab kelishgan, biroq zondlar yordamida o‘rganilganda u soat strelkasi yo‘nalishiga teskari harakatlanadigan issiq gazlar ekanligi ma’lum bo‘ldi.
Suratlar 2017-yilning 10-iyul kuni katta qizil dog‘ ustidan uchib o‘tgan Juno apparatidan kelgan. Bunda zond hamda atmosfera o‘ramining orasidagi masofa 10—14 ming kilometrni teshkil etgan.
Izoh (0)