Niderlandiyadagi omborxonaga yarim yil avval qulagan tosh yoshi 4,5 milliard yil bo‘lgan meteorit bo‘lib chiqdi. Bu haqda Dutch News portali ma’lum qildi, deya xabar beradi “RIA Novosti”.
Yarim kilogrammli tosh 11-yanvar kuni Bruk qishlog‘idagi (Shimoliy Niderlandiya provinsiyasi) omborxona tomini teshib o‘tdi. Imorat egalari uni ertasiga topib oldi va Leydendagi tabiatshunoslik muzeyi mutaxassislariga topshirdi.
Ekspertlar o‘rganishlardan so‘ng qishloqqa qulagan tosh 4, 5 milliard yil avval paydo bo‘lgan va Quyosh tizimi tengdoshi bo‘lgan meteorit ekanligini aniqladi.
Samoviy jism Mars va Yupiter oralig‘idan uchib kelgani bildirilmoqda. Muzey bozor bahosi ming yevro baholanayotgan meteoritni uning egalaridan sotib olishni mo‘ljallamoqda.
Izoh (0)