Mosulda IShID terrorchilarining tor-mor etilishi “Iroq xalqi o‘g‘lonlarining katta g‘alabasi” sanaladi. Bu haqda Suriya TIVning SANA agentligi tomonidan tarqatilgan bayonotida ma’lum qilindi, deya xabar beradi “TASS”.
“Suriya Iroq hukumati, uning armiyasi va xalq ko‘ngillilarini ushbu muvaffaqiyat bilan tabriklaydi. Ikki birodar davlatlar qurolli kuchlarining IShID guruhi qoldiqlarini yo‘q qilishdagi hamkorligi muhimligini ta’kidlaydi”, — deyiladi hujjatda.
Eslatib o‘tamiz, oldinroq Iroq hukumat kuchlari Mosulning tarixiy qismi ustidan nazoratni to‘liq tiklagani haqida xabar berilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)