Ish o‘rni yaratish haqidagi savollardan kuladigan o‘zbekistonlik tadbirkor, Toshkentga kelishi kutilayotgan Van Damm, 12 ming xodimi ishdan bo‘shatiladigan “O‘zbekneftgaz” va kunning boshqa muhim xabarlari

4-iyulning e’tiborga molik yangiliklari — “Daryo”ning kechki dayjestida.

1. “O‘zbekneftgaz” tizimida 12 ming xodim qisqartiriladi. Bir qator tashkilotlar birlashish yo‘li orqali qayta tashkil etiladi, boshqalari esa “O‘zbekneftgaz” tarkibidan alohida tashkilot sifatida chiqariladi.

2. Shimoliy Koreya birinchi qit’alararo ballistik raketani uchirganini ma’lum qildi. KXDR davlat telekanalining xabar berishicha, raketa “dunyoning istalgan nuqtasidagi” nishonni yo‘q qila oladi.

3. Issiqko‘ldagi Tomchi aeroportiga bortida o‘zbekistonlik sayyohlar bo‘lgan birinchi samolyot kelib qo‘ndi. Mazkur reys bilan Issiqko‘lga 200 nafar sayyoh uchib keldi.

4. Murod Nazarov: Ish o‘rni yaratgandan ko‘ra uning samaradorligini oshirgan ma’qul. Murad Buildings kompaniyasi rahbari “qancha ish o‘rni yaratasiz?”, degan savol uning uchun kulgili ekanligini aytib o‘tdi.

5. Toshkentdagi sport shousiga Jan Klod Van Damm, Fyodor Yemelyanenko va Jeff Monson keladi. International Sport Shou nomini olgan sport kechasi 9-sentabr kuni “Bunyodkor” stadionida o‘tishi rejalashtirilgan.