Mirobod tumanida Mirmuhammadoxun Azizov o‘tgan yil noyabr oyidan 2017-yil aprel oyigacha bo‘lgan vaqt oralig‘ida Italiyadan parfumeriya buyumlarini keltirib berishini va’da qilib, G‘ayrat Davronovning 25 ming AQSh dollari hamda 450 million so‘m miqdoridagi pullarini aldov yo‘li bilan qo‘lga kiritdi. Bu haqda Toshkent shahar IIBB matbuot markazi ma’lum qildi.
Mazkur holat yuzasidan Mirobod tumani IIB huzuridagi Tergov bo‘limi tomonidan O‘zbekiston Respublikasi JKning 168-moddasi 4-qismi “a” bandi (firibgarlik, ya’ni o‘zganing juda ko‘p miqdordagi mulkini aldash va ishonchni suiiste’mol qilish yo‘li bilan qo‘lga kiritish) alomatlari bilan jinoyat ishi qo‘zg‘atildi.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
Izoh (0)