Toshkent shahrida “O‘zbekiston havo yo‘llari” va “Turkmaniston” aviakompaniyasi vakillari o‘rtasida muzokaralar bo‘lib o‘tdi. Bu haqda MAK matbuot xizmati xabar bermoqda.
Uchrashuv ikki aviakompaniya o‘rtasida joriy yil 20-may kuni O‘zbekiston Prezidenti Shavkat Mirziyoyevning Turkmanistonga tashrifi daomida imzolangan hamkorlik to‘risidagi memorandum bajarilishi doirasida tashkil etildi.
Muzokaralar davomida Turkmaniston aviatashuvchisi tomonidan Ashxobod—Toshkent—Ashxabod yo‘nalishida parvozlarni amalga oshirish masalalari muhokama etildi. Tomonlar Toshkent xalqaro aeroportida Turkmaniston aviakompaniyasi havo kemalariga xizmat ko‘rsatish va bort taomlari bilan ta’minlashga qaratilgan shartnomani imzoladi.
Shuningdek, tashish hujjatlari o‘zaro tan olinishi va aviakompaniyalarga sheriklari reyslariga aiachipta rasmiylashtirishga imkon beruvchi Interlayn tijoriy kelishuvi loyihasi ko‘rib chiqildi.
Turkmaniston aviakompaniyasi Ashxobod—Toshkent—Ashxabod yo‘nalishida aviareyslarni amalga oshirishni 2017-yil oxirigacha yo‘lga qo‘yish niyatida.
Izoh (0)