Eronda AQSh prezidenti Donald Trampga bag‘ishlangan “Trampizm” nomi ostida karikaturalar tanlovi bo‘lib o‘tdi. Bu haqda The Independent gazetasiga tayanib, “Interfaks” xabar bermoqda.
Tanlov ko‘rgazma doirasidsa tashkil etilgan bo‘lib, ko‘rgazmaning logotipi sifatida qizil fonli oq aylanada diagonal joylashtirilgan T harfi tanlangan. Logotip millatchilar belgisiga o‘xshash ko‘rinishda tasvirlangan. Rasmlar ko‘rgazmasi bir hafta davom etadi.
Ko‘rgazmada eronlik va 74 ta mamlakat rassomlari tomonidan yaratilgan 1614 ta ish to‘plangan. To‘rtta satirik rasm amerikalik maulliflarga tegishli. AQShlik ikkita rassomning ikkita ishi mukofotga loyiq topilgan.
Eronlik rassom Xodi Asadiy birinchi o‘rinni va 1.5 ming dollar miqdorida mukofotni qo‘lga kiritdi. U o‘z karikaturasida Trampni dollar kupyuralaridan qilingan kurtka, amerika bayrog‘i tasviri tushirilgan boyinbog‘ va mash’ala kabi yonayotgan sochlar bilan tasvirlangan. Sochlar dunyo bo‘ylab yonayotgan olovga ishora qilgan.
Tashkilotchi Ma’sud Shojay Tabatabaining aytishicha, ko‘rgazma nomida –izm qo‘shimchasi bo‘lib, u rasizm (irqchilik) va natsizm (millatchilik) kabi tushunchalarga ishora hisoblanadi. Tanlov va ko‘rgazmaning maqsadi — satira yordamida “Trampning noto‘g‘ri harakatini” ko‘rsatish.
Izoh (0)