Эронда АҚШ президенти Дональд Трампга бағишланган «Трампизм» номи остида карикатуралар танлови бўлиб ўтди. Бу ҳақда The Independent газетасига таяниб, «Интерфакс» хабар бермоқда.
Танлов кўргазма доирасидса ташкил этилган бўлиб, кўргазманинг логотипи сифатида қизил фонли оқ айланада диагонал жойлаштирилган Т ҳарфи танланган. Логотип миллатчилар белгисига ўхшаш кўринишда тасвирланган. Расмлар кўргазмаси бир ҳафта давом этади.
Кўргазмада эронлик ва 74 та мамлакат рассомлари томонидан яратилган 1614 та иш тўпланган. Тўртта сатирик расм америкалик мауллифларга тегишли. АҚШлик иккита рассомнинг иккита иши мукофотга лойиқ топилган.
Эронлик рассом Ходи Асадий биринчи ўринни ва 1.5 минг доллар миқдорида мукофотни қўлга киритди. У ўз карикатурасида Трампни доллар купюраларидан қилинган куртка, америка байроғи тасвири туширилган бойинбоғ ва машъала каби ёнаётган сочлар билан тасвирланган. Сочлар дунё бўйлаб ёнаётган оловга ишора қилган.
Ташкилотчи Маъсуд Шожай Табатабаининг айтишича, кўргазма номида –изм қўшимчаси бўлиб, у расизм (ирқчилик) ва натсизм (миллатчилик) каби тушунчаларга ишора ҳисобланади. Танлов ва кўргазманинг мақсади — сатира ёрдамида «Трампнинг нотўғри ҳаракатини» кўрсатиш.
Изоҳ (0)