Issiqko‘ldagi Tomchi aeroportiga bortida o‘zbekistonlik sayyohlar bo‘lgan birinchi samolyot kelib qo‘ndi

Qirg‘izistonning Issiqko‘l viloyatidagi Tomchi aeroportiga O‘zbekistondan birinchi reys kelib qo‘ndi. Bu haqda K-News xabar bermoqda.

Mazkur reys bilan Issiqko‘lga 200 nafar sayyoh uchib keldi.

“Biz aprelda Toshkent bilan muzokaralar o‘tkazdik va O‘zbekiston tomoni bilan Tomchiga reys ochish bo‘yicha kelishib oldik. Bugun shu g‘oyani amalga oshirishga muvaffaq bo‘lindi. Biz uchun qo‘shni davlatdan mehmonlar kelishi katta voqea. Dastlabki paytlarda O‘zbekistondan Issiqko‘lga haftasiga bir marotaba reys amalga oshiriladi. Sayyohlar oqimi ko‘paygani sari reyslar soni ham ortib borishidan umidvormiz”, — ta’kidladi Qirg‘iziston madaniyat, axborot va turizm vazirligi turizm departamenti rahbari Azamat Jamanqulov.