Chirchiq shahrida yashovchi uy bekasi 1980-yilda tug‘ilgan Aliya Sarsenova ichki ishlar idoralariga uyiga o‘g‘ri tushganligi haqida ariza bilan murojaat qilgan. Bu haqda Toshkent viloyati IIB xabar berdi.
Fuqaroning arizasiga ko‘ra, joriy yilning 17-iyun kuni soat 18:30 dan 19:30 gacha bo‘lgan vaqt oralig‘ida noma’lum shaxs uyda hech kim yo‘qligidan foydalanib, kalit tanlash yo‘li bilan kirib, uyidan umumiy narxi, taxminan, 1 600 000 so‘m bo‘lgan bitta Acer rusumli noutbuk va ayollar parfyumeriyasi hamda 1 000 000 so‘m miqdordagi naqd pullarini o‘g‘rilab ketgan.
Holat yuzasidan O‘zbekiston Respublikasi Jinoyat Kodeksining tegishli moddalari bilan jinoyat ishi qo‘zg‘atilgan. Olib borilgan tergov tezkor harakatlari davomida ushbu jinoyatni Chirchiq shahrida yashovchi vaqtincha ishsiz, 1999-yilda tug‘ilgan Jamola Asliyeva sodir etganligi aniqlanib, qo‘lga olingan. Ayni vaqtda tergov harakatlari olib borilmoqda.
Anketa ma’lumotlari o‘zgartirilgan, har qanday o‘xshashliklar tasodifiy xarakterga ega.
Izoh (0)