Чирчиқ шаҳрида яшовчи уй бекаси 1980 йилда туғилган Алия Сарсенова ички ишлар идораларига уйига ўғри тушганлиги ҳақида ариза билан мурожаат қилган. Бу ҳақда Тошкент вилояти ИИБ хабар берди.
Фуқаронинг аризасига кўра, жорий йилнинг 17 июнь куни соат 18:30 дан 19:30 гача бўлган вақт оралиғида номаълум шахс уйда ҳеч ким йўқлигидан фойдаланиб, калит танлаш йўли билан кириб, уйидан умумий нархи, тахминан, 1 600 000 сўм бўлган битта Acer русумли ноутбук ва аёллар парфюмерияси ҳамда 1 000 000 сўм миқдордаги нақд пулларини ўғрилаб кетган.
Ҳолат юзасидан Ўзбекистон Республикаси Жиноят Кодексининг тегишли моддалари билан жиноят иши қўзғатилган. Олиб борилган тергов тезкор ҳаракатлари давомида ушбу жиноятни Чирчиқ шаҳрида яшовчи вақтинча ишсиз, 1999 йилда туғилган Жамола Аслиева содир этганлиги аниқланиб, қўлга олинган. Айни вақтда тергов ҳаракатлари олиб борилмоқда.
Анкета маълумотлари ўзгартирилган, ҳар қандай ўхшашликлар тасодифий характерга эга.
Изоҳ (0)