Abu Bakr al-Bag‘dodiyning yaqin do‘sti va yordamchisi IShID yetakchisi o‘limini bilvosita tasdiqladi. Bu haqda arab OAVlari manbalariga tayanib, Eronning FARS agentligi ma’lum qildi, deya xabar beradi “Interfaks”.
Jumladan, Al-Sumeriyeh’ning Iroqdagi manbalari Abu Katibex Mosuldan 50 kilometr uzoqlikdagi Tall-Afar shahridagi juma namozi paytida ko‘p adashganini ta’kidlagan.
Shuningdek, u IShID yetakchisi haqida gapirayotib, to‘satdan yig‘lab yuborgan. So‘ng biroz sukut saqlab, Qur’on tilovat qilgan, biroq yana adashgan.
OAVga ko‘ra, garchi Abu Katibex to‘g‘ridan-to‘g‘ri al-Bag‘dodiyning o‘limini tasdiqlamagan bo‘lsa-da, uning juma namozi chog‘ida o‘zini tutishi o‘ldirilganidan dalolat bermoqda.
Eslatib o‘tamiz, oldinroq Eron OAVlari halok bo‘lgan IShID yetakchisi tasvirlangani taxmin qilingan suratlarni e’lon qilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)