Oq uyda AQSh prezidenti Donald Trampning Janubiy Koreya prezidenti Mun Chje In bilan rasmiy qo‘l berib so‘rashishini suratga olmoqchi bo‘lgan jurnalistlar Amerika yetakchisining jurnallar stoli ustidagi chiroqni ikki marta tushirib yuborishiga sal qoldi. ABC telekompaniyasi e’lon qilgan videoda Trampning jahli chiqqanini ko‘rish mumkin, deb xabar berdi “TASS”.
Marosimda ko‘plab Janubiy Koreya jurnalistlari ishtirok etgan. Maxfiy xizmat xodimlari ulardan “yugurishni to‘xtatishni” so‘ragan. Muxbirlar suratga olishga tayyorgarlik ko‘rayotganida, ulardan biri beixtiyor divanni surib yuborgan, oqibatda esa AQSh prezidentining yonginasida joylashgan chiroq tushib ketishiga oz qolgan. Bir necha soniyadan so‘ng yoritish moslamasini yana tushirib yuboray deyishdi.
“Sekinroq, yigitlar, sekinroq! Borgan sari yomonlashib boryapsizlar. Stolni ham ag‘darib yubora qolinglar”, — dedi Tramp.
Janubiy Koreya prezidenti AQShga rasmiy tashrif bilan borgan. 30-iyun kuni Tramp hamda Mun Chje In o‘rtasida bir qator uchrashuvlar bo‘lib o‘tdi.
Izoh (0)