Muxolifatdagi “Yagona Ozarbayjon xalq fronti”dan saylangan deputat Qudrat Hasanquliyev xushomadni qonunchilik darajasida taqiqlashni taklif etdi. Bu haqda “RIA Novosti” xabar bermoqda.
U 30-iyun, juma kuni Milliy majlisda (parlament) “Deputatlar etikasi qoidalari to‘g‘risida”gi qonun loyihasi muhokamasi chog‘ida shunday tashabbus bilan chiqdi.
“Muhokamalar chog‘ida Qudrat Hasanquliyev deputatlarga xushomadni taqiqlashni taklif etib, O‘zbekistonda shunday yo‘l tutilganini ma’lum qildi. U mansabdor shaxslar uchun ham shunday taqiqni joriy etishga chaqirdi”, — deyiladi “Vesti.az” xabarida.
Agentlikka ko‘ra, parlament spikeri O‘ktoy Asadov bu taklifga nisbatan “Bizga xushomadning darajalarini ko‘rsating, keyin bu masalani ko‘rib chiqamiz”, deya munosabat bildirgan.
Izoh (0)