O‘zbekistonning oliy ta’lim muassasalariga 2017—2018-o‘quv yili uchun hujjatlar qabul qilinayotgan ayni kunlarda ijtimoiy tarmoqlar va messenjerlarda qabul hujjatlari bilan bog‘liq turli xabarlar tarqalmoqda.
Xabarlarga ko‘ra, qabul vaqtida talab qilinadigan 086 shaklidagi tibbiy ma’lumotnoma faqat o‘qishga kirgan abituriyentlardan talab qilinadi va o‘qishga kirgan abituriyent imtihon javoblari chiqib, o‘qishga kirganligi aniq bo‘lganidan so‘ng besh kun ichida mazkur ma’lumotnomani oliy ta’lim muassasasiga topshirishi kerak.
Bu xabarlarga aniqlik kiritish maqsadida “Daryo” Oliy va o‘rta-maxsus ta’lim vazirligining axborot xizmati bilan bog‘landi.
Vazirlikning axborot xizmati tomonidan ma’lum qilinishicha, qabul hujjatlari yuzasidan hech qanday o‘zgarish bo‘lgani yo‘q. Tibbiy ma’lumotnoma haqida tarqalgan xabarlar esa — yolg‘on xabarlar.
Eslatib o‘tamiz, O‘zbekiston OTMlarining bakalavr yo‘nalishiga hujjatlar qabuli 15-iyunda boshlandi va 15-iyulgacha davom etadi.
Izoh (0)